نكت حلوة اووى

شيطان ندل,عزم اصحابة الشياطين على العشاء,دخلهم الاوضة وقفل عليهم وراح مشغلهم قرأن
==========
واحد مسطول مسك الفرخة من زمارة رقبتها وقال لها كل يوم بيض كل يوم بيض مفيش جبنه
==========
واحد غبى حبيتين عينوه مدير ملجأ أيتام اول قرار اخده اجتماع لأولياء الامور
==========
واحد عنده مزرعة فراخ وكانت فاشلة جدا راح لمهندس زراعي وقاله: أنا مش عارف أزرع الفراخ, زرعتها من رجليها مطرحتش زرعتها من جناحها مطرحتش زرعتها من دماغها مطرحتش. المهندس قاله: روح هاتلي عينه من الأرض
==========
ترزي متجوز واحدة قصيرة فكلها التنية


==========
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك
بوظت الكمين
============
واحد باشا دار عليه الزمن وافتقر حب يشتغل, إشتغل بياع فجل وجرجيرطول النهار واقف فى السوق ولابس طربوش وبينادي: فجل يا حوش .. جرجير يا كلاب


==========
اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا


==========

واحد دلوعة اوي ابوه جبله شريط اسلامي عشان ينصلح حاله تاني يوم الاب رجع البيت لقى ابنه متحجب

==========

واحده ست اشتركت فى من سيربح المليون جوزها طلقها عشان اتصلت بصديق

==========

واحد كهربائى..ابنه سخن ركبله ترانس

==========

كان في واحد شكله وحش قوي قوي قوي عايز يتجوز فراح واتقدم لواحده, فبيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله تكون خلقه ربنا
==========


واحد مسطول راح صيدلية يشترى جبنة حاول الصيدلى يفهمه ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون
==========

مرة واحد ميكانيكى دخل فرح نقط زيت
هههههههههههههههههههه
==========
عربجى كارو دخل فرح قال رفصنى ياجدع
==========

فكهانى دخل فرح رقص عشره بلدى و عشره بسره


==========
واحد قال نكتة قديمة طلع تراب من بقة
هههههههههههههههههههه
الا النكتة دية بحبها اووووووووى
ههههههههههههههههههه


==========


واحد حب يصطاد ارنب قلد له صوت الجزر

==========

مرة واحد اتزنق في قرشين فعصوه

==========

واحد سباك سايب رسالة على التليفون يقول
اترك اسمك وعنوانك بعد سماع صوت السيفون
==========



واحد حانوتي فتح محل فاكهة قام كتب يافطة المـوز علينا حـق
==========
اتنين مساطيل واقفين مستنيين الاوتوبيس فالاول بيسأل : هنعرف الاتوبيس ازاى التاني قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللي حيحط ايده على كتفك يبقى الكومسارى ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهاله فقالهم : انا مش الكومسارى انا ضابط بحريه قاله شوفت شورتك المنيله ادينا ركبنا باخره
هههههههههههههههههه
==========


تلاته عمالين بيحششوا فى مزرعه طب عليهم البوليس استخبوا فى تلات أشوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه وراح عالشوال التانى و شاطه قام الحشاش اللى جوه قعد يأدن ويقلد صوت الديك الظابط سابه و راح عالشوال التالت برضه شاطه برجله الحشاش التالت متكلمشى..شاطه تانى بس بالجامد برضه متكلمش .. شاطه تالت -طلعله الحشاش يقوله بطاطس بطاطس انت مبتفهمش

==========
مره واحد مسطول بيصطاد سمك بالحشيش طلعتله سمكه بتقول : انا تمساااااااااح
==========
مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش
وفجاة وهو قاعد سمع خبط على الباب فقال مين رد علية اللى برة قاله بوليس فراح مقطع ال200 جنية بتوع الحشيش
ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه
وشكرا يارب يعجبوكم
ولكم منى ارق التحية

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك
بوظت الكمين
ههههههههههههههههههه انت متأكد انه كتكوت؟؟


اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا
هههههههههههههههههههههههههههه

بجد جااااااااااااامدين موووت
تسلم ايدك