امسك ايديها وخلصنا يا عمنا

من طرف **MaZZikA** الثلاثاء أغسطس 11, 2009 5:14 pm

وهما ماشيين مع بعض لسة وصحاب

أنت ليه مش بتمسك إيدي وإحنا ماشيين في الشارع؟

'لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن
شاء الله يا حبيبتي بكره نتخطب وامسك إيديكي ادام الدنيا كلها '.

بعد الخطوبة

'أنت ليه مش بتمسك إيدي وإحنا ماشيين في الشارع؟'

'علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال'.

بعد الجواز

'أنت ليه مش بتمسك إيدي وإحنا ماشيين في الشارع؟'

'يا حبيبتي إحنا مش مراهقين بقى هنمسك إيد بعض في الشارع وكده....إحنا اتنين
متجوزين ومحترمين وعندنا بيت نعمل فيه اللي عاوزين نعمله'..

بعد مخلفو عيال

' أنت ليه مش بتمسك إيدي وإحنا ماشيين في الشارع؟'

'يعني امسك إيدك والا امسك إيد البنت والا اشيل الأكياس دي كلها؟!'

بعد 25 سنة من الجواز

'أنت ليه مش بتمسك إيدي وإحنا ماشيين في الشارع؟'

'إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا