ذكاء إمرأة ( قصة شعبية )

بسم الله الرحمن الرحيم

ملك.. سأل الشعب.. سؤال وقال اللي يجاوب عليه صح راح أعطيه فلوس مرة كثير وكل شي يبغاه. والسؤال..
أيش أكثر شي وأيش أكبر شي؟؟
راح الخادم.. على بيته وقعد يفكر, جات بنته.. وقالت: أيش فيك؟؟
قال اليوم سأل الملك الشعب سؤال وقال اللي يجاوب عليه راح يعطيه فلوس وكل اللي يبغاه. وأنا مو عارف الإجابة.
البنت: ايش هو السؤال؟؟
الخادم: ايش أكثر شي وايش أكبر شي؟؟
البنت: روح عند الملك وقله أكبر شي أرضك وأكثر شي مالك.
راح الخادم عن الملك وقاله: يا ملك أنا لقيت إجابة لسؤالك.
قال الملك: تفضل.
الخادم: أكثر شي مالك وأكبر شي أرضك.
الملك: مين قال لك الإجابة؟؟
الخادم: بنتي.
الملك: طيب روح قلها لابسة وما هي لابسة..ماشية وما هي ماشية.. هدية ولا مو هدية؟؟
الخادم راح عند بنته وقالها..: الملك يقولك. لابسة وما هي لابسة.. ماشية وما هي ماشية.. هدية ولا مو هدية؟؟
قالت البنت. طيب روح جيب لي شبكة.. وغنمة.. ولحمة.
استغرب الأب الخادم من الطلبات بس راح وجابها.
لبست البنت الشبكة وركبت الغنمة.. ومسكت اللحمة وراحت.
ودخلت عند الملك.. وقالت: يا ملك.. أنا لابسة شبكة ومو لابسة. وماشية بس مو على رجولي على غنمة.
وهذي لحمة أنت تعتبرها هدية ولا مو هدية.
الملك.. أعجب بذكاء البنت وقالها تتزوجيني؟؟
تزوج الملك بنت الخادم وعاشو في سبات ونبات.. وخلفوا صبيان وبنات.
المهم.. بعد سنين.. كان في خادم من الخدم أعطاه الملك حصان هدية. وفي يوم نام الخادم ونسى يأكل الحصان
قام هاج الحصان. فجاه الملك وطرد الخادم وقاله هات الحصان ورووح.. راح الخادم وهو زعلان
المهم شافته الملكة..وقالتله ايش فيك.. قال لها: الملك طردني وأخذ مني الحصان.
قامت وقالت له: خذ صنارة واقعد اصطاد بالحديقة على العشب.
ولو جاك الملك و قال لك ايش تسوي قله اذا انت ما رزقتني ربي يرزقني.
سوا الخادم زي ما قالتله الملكة. جاه الملك..وقاله ايش قاعد تسوي؟؟
الخادم: اذا انت ما رزقتني ربي يرزقني. قام الملك قاله: مين قلك تقول كذا.
الخادم: الملكة.
عصب الملك. وطفش من ذكاء البنت.. وراح لها.. وقالها: شوفي يا بنت الناس.. لمي أغراضك وروحي على بيت أهلك.
بس قبل ماتروحي.. سويلي شاي.. وخذي أغلى شي عندك.
المهم.. قامت البنت سوت له شاي وحطت له فيه منوم. ا لمهم صحي الملك.. ولقى نفسه في بيت الخادم (أبو البنت)قام قال: ايش اللي جابني هنا!!
البنت: مو أنت قلت لي روحي بيت أهلك وخذي أغلى شي عندك!!
وأنت أغلى شي عندي...

النهاية
عجبتني ونقلتها لكم
مع تحياتى لكم

ههههههههههههههههه

حلوووووة قوي

فعلا ذكيه

تسلم ايدك